កំណាព្យ

បងសូមលាអូនទៅសិក្សា

បងសូមលាអូនទៅសិក្សា	តាមពាក្យសន្យាប៉ាម៉ាក់បង
សូមអូនថែរក្សាខ្លួនផង	ព្រោះអីរូបបងឆ្ងាយពិសី	។
មាសស្ងួនកុំបារម្ភទុក្ខព្រួយ	ចិត្តបងមានមួយនោះគឺស្រី
អូនជាខ្មែរមារយាទថ្លាថ្លៃ	បងសូមបេតីតែស្រីខ្មែរ	។
សូមអូនអាសូរដល់ចិត្តបង	កុំងាកបែរខ្នងរាប្រួលប្រែ
សេចក្តីស្មោះត្រង់នៃស្រីខ្មែរ	អូនគប្បីថែខ្ជាប់ក្នុងប្រាណ	។
បងសូមសន្យានិងអូនថា	ពីរឆ្នាំទៀតណាកែវកល្យាណ
នោះយើងទាំងពីរគង់តែបាន	សេចក្តីសុខសាន្តនៃស្នេហ៍យើង	។

អានបន្ថែមនូវកំណាព្យ